Rehabilitación da Ponte Romana de Lugo
Acometeuse a rehabilitación seguindo o proxecto do enxeñeiro de camiños Manuel Durán Fuentes, especialista en pontes romanas. Entre as actuacións realizadas destacan a supresión da estrutura metálica das beirarrúas, que se sustentaba sobre os tallamares; a construción dunha presa provisional para desviar o curso do río Miño, deixando ao descuberto a fábrica orixinal da ponte e proceder ao reforzo dos cimentos dos piares nº 1, 2 e 3 -os únicos que conservan cantaría romana-; a limpeza de todos os paramentos, e o baleirado do taboleiro para introducir novas conducións de servizos e rectificar a súa pendente lonxitudinal, de xeito que a ponte recupere o perfil alombado que tiña orixinalmente, antes da intervención de Godofredo A. Cascos en 1893. Entidades contratante: Ministerio de Fomento e Concello de Lugo.