19/03/2018
Portocultura, renovados 2.000 metros cadrados de oficinas e 4.500 de urbanización no porto de Vigo
Misturas foi a empresa adxudicataria das obras de ‘Portocultura’, un proxecto para o que se reconverteu a antiga fábrica de redeiros do Berbés, en Vigo, nun inmoble destinado a albergar o Centro de Apoio ao Mariño, a Federación Internacional de Traballadores do Transporte e oficinas para empresas marítimo-pesqueiras.
Con estes traballos, contratados pola Autoridade Portuaria de Vigo, se teñen acondicionado máis de 2.200 metros cadrados dentro do edificio e outros 4.500de uso público no exterior, posto que o proxecto incluía a urbanización e axardinamento da contorna.
Tanto o edificio como os espazos verdes xa están operativos e abertos para uso público; a existencia de dúas entradas principais permite ao Centro de Apoio ao Mariño dispoñer dun acceso independente. Así mesmo, a maiores, no paseo marítimo instalouse tamén recentemente unha escultura de Gonzalo de Vigo, realizada por José Molares.
