22/04/2021
Novo albergue de peregrinos no centro histórico de Vigo (Pontevedra)
Misturas completou as obras do novo edificio para albergue de peregrinos situado no centro histórico de Vigo. Nesta obra acometeuse a rehabilitación integral de dous edificios de carácter histórico, situados no barrio pesqueiro do Berbés, que se atopaban en estado ruinoso: respectáronse os soportais e fachadas de pedra orixinais de ambos os edificios e engadíronse novas plantas, aproveitando a diferenza de cotas existente entre a rúa Ribeira do Berbés nº5 e a Praza Peñasco nº9. O resultado da intervención é un novo edificio que se integra completamente na trama urbana e conserva a tipoloxía arquitectónica tradicional da zona, con acceso desde as dúas localizacións.
O novo albergue, construído para a Axencia de Turismo de Galicia, ten un aforo máximo para 93 persoas e foi especialmente deseñado para atender as necesidades dos peregrinos do Camiño Portugués a Santiago de Compostela.
