14/05/2019
Misturas renova o seu parque de maquinaria
Misturas adquiriu nova maquinaria durante o primeiro trimestre do ano para reforzar varios dos contratos de servizos que ten en marcha nestes momentos.
Concretamente, incorporou ao seu parque de maquinaria dous tractores John Deere (modelo 6115) con brazos para rozar (Orsi 555) co obxectivo de mellorar as tarefas de conservación de infraestruturas do transporte, traballos nos que se esixe manter controlada toda a vexetación nas marxes das estradas.
Ademais, a empresa conta cun novo camión (Renaut D18 WIDER) con caixa de carga con guindastre HIAM (modelo X5122-D), un vehículo que permitirá optimizar os traballos de carga e descarga nas tarefas de limpeza, transporte e xestión de residuos dos portos do Sur de Galicia para o contrato que Misturas ten actualmente con Portos de Galicia, entidade dependente da Consellería de Mar da Xunta de Galicia.