18/10/2019
Misturas participa no comité asesor da Agrupación Estratéxica do CITEEC da Universidade da Coruña
dirección de Misturas foi convidada a participar na reunión do comité asesor científico externo da Agrupación Estratéxica do Centro de Innovación Tecnolóxica en Edificación e Enxeñería Civil (CITEEC) da Universidade da Coruña (UDC), que tivo lugar o pasado 27 de setembro.
Este comité, formado por representantes institucionais e empresariais de recoñecido prestixio vinculados coas temáticas científicas da agrupación, asesora sobre a estratexia xeral da mesma para reforzar o vínculo co tecido empresarial e a colaboración en I+D.
Misturas desenvolve actualmente co Grupo de Estradas, Xeotecnia e Materiais da ETS Enxeñeiros de Camiños da Coruña o proxecto de I+D ‘Emulcell: Desenvolvemento de novas emulsións bituminosas mediante o uso de nanocelulosa para a obtención de mesturas asfálticas en frío melloradas e sustentables’, no que participan como investigadores principais os profesores Ignacio Pérez e Ana María Rodríguez, xunto coa Área de Materiais Avanzados do CETIM (Centro Tecnolóxico de Investigación Multisectorial). Este proxecto está cofinanciado polo Centro para o Desenvolvemento Tecnolóxico e Industrial-CDTI. Ministerio de Economía, Industria e Competitividade (Ref. IDI-20171097)
