20/03/2020
MISTURAS INICIA AS OBRAS DO NOVO CENTRO DE SAÚDE DE BOUZAS EN VIGO
Misturas iniciou a construción do novo centro de saúde de Bouzas, no centro histórico deste tradicional barrio de Vigo, nun solar propiedade do Concello, que cedeu varias parcelas para a construción do novo equipamento público.
Trátase dun edificio de nova construción que se integrará na trama urbana da Alameda de Suárez Llanos e no centro histórico de Bouzas, na Praza de M. Diego Santos. O proxecto construtivo (de Collarte Architects, SLP) incorpora os restos de antigas construcións que existiron na parcela, organizándoas ao redor dun patio interior ou “solaina”, a modo de construción tradicional.
Sobre o solar da antiga “Casa Guiancé” vai ubicarse un soportal de entrada, vestíbulo e recepción, zona de atención ao público, historias clínicas, consulta de medicina xeral e enfermería, sala polivalente e zonas de espera, aseos e escaleiras ao primeiro piso e ascensores. Pola sua parte, sobre os restos do nº 7 da R/ Ferreiros estarán os vestiarios de persoal e instalacións (caldeiras, equipos de ventilación, comunicacións e grupo electróxeno).
O primeiro piso do novo edificio organízase tamén ao redor dun patio interior, estando ambos volumes comunicados por unha galería exterior que dará cara a Praza de Suárez Llanos: mentras que a zona que ocupou o antiguo número 7 da R/ Ferreiros albergará unha zona de persoal con sala de estar, biblioteca e sala de xuntas, a da antigua “Casa Guiancé” acollerá unha sala de espera, duas consultas de medicina xeral e duas de enfermería, así como aseos de uso público.
En total, a superficie construída do novo centro de saúde de Bouzas excederá os 470 m2 en todo o conxunto.
