04/12/2020
MISTURAS, galardoada nos IV Premios PEME do Ano de Ourense
Misturas foi unha das empresas galardoadas nos IV Premios PEME do Ano de Ourense, convocados anualmente polo Banco Santander e a Cámara de Comercio de España. Estes premios recoñecen o desempeño e esforzo deste tipo de empresas, pola súa contribución á xeración de riqueza e creación de emprego na nosa comunidade.
Misturas obtivo o accésit de “Dixitalización e Innovación 2020”, tras presentar ao galardón o proxecto de I+D EMULCELL, que desenvolve novas emulsións bituminosas aditivadas con nanocelulosa, para obter mesturas asfálticas en frío melloradas e ambientalmente sostibles. Neste proxecto, Misturas traballou estreitamente co Grupo de Estradas, Xeotecnia e Materiais da Universidade da Coruña (UDC) e o Centro Tecnolóxico de Investigación Multisectorial (CETIM), con apoio do “Centro para el Desarrollo Tecnológico Industrial” (CDTI), organismo dependente do Ministerio de Economía e Competitividade-Goberno de España (Ref. IDI-20171097). O conselleiro de Medio Rural da Xunta de Galicia, José González, participou na entrega dos galardóns, que tivo lugar en Ourense o pasado 19 de novembro, nun acto no que destacou o “papel fundamental” das pequenas e medianas empresas galegas para facer fronte á situación sanitaria e económica xerada polo COVID-19 (Fotografías cedidas polo Banco Santander).
