12/07/2022
Misturas, distinguida no Informe Empresarial Ardán Galicia 2021 como compañía xeradora de riqueza
O Informe Ardán Galicia 2021 distinguiu a Misturas como “Empresa xeradora de Riqueza” pola súa traxectoria nos últimos tres exercicios. Trátase de compañías que superaron a media do seu sector en aspectos como liquidez, produtividade e rendibilidade: entre estes indicadores destacan lograr un EVA (Economic Value Added) por encima de 150.000 €, e un crecemento superior ao 10 % durante tres anos consecutivos.
Esta distinción únese ás obtidas por Misturas en informes Ardán de anos previos, nos que destacou como “Empresa Intelixente” e “Empresa Innovadora”.
O Informe Ardán radiografía anualmente a realidade económica e de desempeño do tecido empresarial de Galicia e é elaborado conxuntamente polo Consorcio da Zona Franca de Vigo e a Cátedra Ardán da Universidade de Vigo (UVigo).
Das 33.750 empresas galegas analizadas no informe de 2021, soamente o 4,81% do total conseguiu algún indicador Ardán de boas prácticas empresariais, e unicamente o 0,61 % obtivo a cualificación de empresa xeradora de riqueza, o que dá idea da dificultade que ten lograr esta distinción.
Máis información en: https://www.zfv.es/ardan/indicadoresardan.html
