30/12/2024
Misturas completa un minucioso inventario das árbores de Ourense
Dentro do contrato de conservación e mantemento de zonas verdes de Ourense, Misturas afrontou a realización dun meticuloso inventario das árbores da cidade, un traballo que está a disposición do Concello nunha plataforma dixital.
Este rexistro reflicte que nas rúas de Ourense hai 4.721 exemplares e que máis do 80% están na marxe esquerda do río Miño.
Nas áreas especificamente verdes están outras 3.804 árbores, figurando o parque Angelita Paradela como o máis máis frondoso (301), moi por diante de zonas como o Barbaña (135) ou a urbanización As Lagoas (129).
As especies predominantes son as de Ligustrum japonica (aligustre de Xapón, 812 unidades), Platanus x Hispanica (plátano de sombra, 668), Prunus cerasifera nigra (ameixeira de xardín, 528), Cercis siliquastrum (árbore do amor, 363) e Liquidambar styraciflua (liquidámbar ou árbore do estoraque, 315).