05/05/2026
O complexo deportivo de Santa Isabel gaña accesibilidade e eficiencia enerxética.
Por encargo do Concello de Santiago de Compostela, Misturas completou unha importante reforma do complexo deportivo de Santa Isabel, esencialmente dirixida á mellora da accesibilidade e da eficiencia enerxética das instalacións.
O proxecto incluíu a substitución da cuberta e dos faldóns perimetrais, renovación de carpinterías exteriores, instalación dun ascensor e reorganización completa dos accesos ao complexo polideportivo.
A fachada do pavillón ábrese agora á praza existente na zona, con novas escaleiras e rampla que chegan a un área de recepción (planta baixa) e cafetería (planta primeira).
Na piscina impermeabilizouse o vaso e a zona de praias, incluíndo a renovación dos pavimentos. Substituíronse as carpinterías de aluminio na busca de aforro e de eficiencia enerxética e colocáronse novos paneis solares, aproveitando a substitución da cuberta.
