27/12/2025
A pleno rendemento o macroplan de estradas da comunidade de Aragón
O Plan Extraordinario de Inversiones en Carreteras de Aragón arrincou a mediados de 2024 como o maior programa de colaboración público-privada existente en España en réxime de concesión. Misturas forma parte dun consorcio encargado de executar as obras e de conservalas durante 25 anos nos itinerarios 5 (Jacetania e Alto Gállego) e 6 (Sobrarbe e Ribagorza).
Os contratos afrontan problemas de conectividade e seguridade nas estradas de Aragón, e contemplan a elaboración dos proxectos e as obras de acondicionamento, melloras de seguridade viaria, reforzos de firmes, rehabilitacións superficiais e a posterior conservación.
O programa, hoxe a pleno rendemento, púxose en valor nun recente congreso celebrado en Zaragoza sobre a participación público-privada como modelo de xestión de redes viarias. O evento foi organizado pola Asociación Española de la Carretera (AEC), con Misturas na nómina de patrocinadores, para reunir a máis de 250 profesionais de toda España e analizar o presente e futuro das estradas.
