Novo polígono industrial na localidade zamorana de San Cristóbal de Entreviñas

O Concello de San Cristóbal de Entreviñas, na provincia de Zamora, conta cun segundo polígono industrial totalmente urbanizado.

A obra, executada por Misturas, incluíu movemento de terras, redes de saneamento, abastecemento de auga, media e baixa tensión, alumeado, comunicacións e subministro de gas, pavimentación, ordenación e acondicionamento de vías, habilitación de beirarrúas e mellora de espazos libres nunha área que suma ao redor de 5 hectáreas.

A actuación permitiu á Administración local poñer no mercado 17 parcelas de entre 1.000 e 1.500 metros cadrados para novas empresas.