25/04/2024
Misturas ingresa na Asociación Española de Fabricantes de Mezclas Asfálticas
Misturas acaba de ingresar na Asociación Española de Fabricantes de Mezclas Asfálticas (Asefma).
Entre os obxectivos desta entidade figuran o fomento da investigación e a colaboración na redacción de normas de fabricación, aplicación e control de calidade en relación ás mesturas asfálticas para a pavimentación viaria, así como a preservación do medio ambiente nesta actividade.
A empresa conta cunha planta de aglomerado en frío no polígono industrial de Chorente, en Allariz (Ourense), e outra de aglomerado en quente en Melide (A Coruña).
Precisamente esta segunda instalación foi visitada recentemente por alumnos do grao de Enxeñería Civil da Universidade de Santiago de Compostela (USC), que puideron deste xeito coñecer in situ o proceso de fabricación de mesturas bituminosas. A visita enmárcase no convenio de colaboración que Misturas mantén coa USC.
