07/09/2017
Misturas habilita unha planta de mesturas bituminosas en quente en Melide (A Coruña)
Misturas habilitou en Melide, na provincia da Coruña, unha planta de mesturas bituminosas en quente.
Trátase dunha moderna instalación de fabricación descontinua estacionaria, modelo RM-200 de Intrame, cunha capacidade de produción superior ás 200 t/h para a preparación de todo tipo de mesturas bituminosas en quente. A localización escollida, no centro de Galicia e nas inmediacións dunha das canteiras que a abastece, a de Richinol, permite á División de Asfaltos da empresa mellorar a súa posición estratéxica e a competitividade de Misturas no mercado autonómico dos pavimentos, facilitando a distribución de aglomerado a todo o territorio autonómico.
Esta instalación complementa o traballo da planta de fabricación de mesturas en frío que a compañía posúe no polígono industrial de Chorente, en Allariz (Ourense) desde 2014.