09/09/2021
Misturas, elixida polo Concello de Ourense para a conservación e mantemento das zonas verdes da cidade
Misturas foi a empresa elixida para a conservación e mantemento das zonas verdes dependentes do Concello de Ourense durante os próximos dous anos. De entre as 16 ofertas presentadas, Misturas impúxose ás súas competidoras nas dúas zonas nas que foi dividida a cidade: por un lado, o lote 1, na marxe esquerda do río Miño, inclúe o centro de Ourense e parques tan emblemáticos como o de San Lázaro e os Xardíns do Posío, con máis de 380.000 metros cadrados de zonas verdes; por outro lado, o lote 2, na marxe dereita do río, inclúe 137.000 metros cadrados de espazos públicos no barrio de A Ponte.
En total, Misturas xestiona desde o pasado mes de xullo os máis de 500.000 metros cadrados de parques e zonas verdes de titularidade municipal.