08/08/2013
Misturas executa os traballos de reparación da rede viaria de Ferrol
A empresa ten preparados equipos técnicos e humanos suficientes para responder a situacións de emerxencia.
Misturas executa desde principios de ano todos os traballos de mantemento e reparación de estradas nas zonas rural e urbana de todo o termo municipal de Ferrol. O contrato ten unha duración de dous anos, prorrogable por outros dous, e un orzamento final 593.760 euros anuais.
A empresa dispón de dúas cuadrillas e actúa en días festivos e fóra do horario laboral sempre preciso por cuestións de emerxencia ou para evitar molestias importantes aos veciños.
O contrato contempla as reparacións en calzadas, rúas e beirarrúas, mantemento da sinalización horizontal e vertical, e arranxo de mobiliario urbano, muros, escalinatas, pasarelas e arquetas, entre outros equipamentos.