14/01/2022
O Concello de Ferrol (A Coruña) adxudica a Misturas o novo servizo de mantemento de vías
Misturas resultou adxudicataria do novo servizo de mantemento de vías do Concello de Ferrol (A Coruña). O contrato, totalmente operativo desde o pasado mes de outubro, inclúe a reparación e reposición de rúas, prazas, beirarrúas e outros espazos públicos, ademais das vías e estradas de zonas rurais do municipio, incluíndo a atención ao mobiliario urbano e sinalización.
O novo servizo prevé que, en situacións de emerxencia, as reparacións sexan executadas de forma inmediata, mentres que nas consideradas urxentes actuarase en 24/48 horas. Ademais, en todas as actuacións está previsto que os materiais empregados sexan o máis similares posible aos preexistentes, tanto en aparencia como en acabados e calidade.
O contrato ten unha duración de dous anos, prorrogables. Coa entrada en vigor deste servizo, o Concello espera que as rúas e prazas de Ferrol melloren considerablemente o seu estado de conservación, xa que o municipio carecía do servizo desde o último trimestre de 2019.
