Conservación das estradas da rede autonómica na provincia de Ourense
O servizo consiste na reparación e reposición de firmes, labores de poda, desbroces, sinalización e renovación de drenaxes lonxitudinais e transversais nas estradas pertencentes á rede de titularidade autonómica na provincia de Ourense. Inclúense os traballos necesarios para manter a vialidade destas estradas nun nivel de servizo adecuado en todas as épocas do ano, e a reposición de elementos danados por accidentes ou por envellecemento. Entidade contratante: Xunta de Galicia – Consellería de Política Territorial, Obras Públicas e Vivenda.