Restaurado o edificio de Turismo e Emigración no casco histórico de Santiago

Contratada pola Axencia Galega de Infraestruturas (AXI), da Consellería de Infraestruturas e Mobilidade, Misturas executou a obra de restauración, mellora da envolvente térmica e distribución de espazos do edificio da praza de Mazarelos, en Santiago de Compostela, ocupado pola Oficina de Turismo e a Secretaría Xeral de Emigración da Xunta de Galicia.

A actuación supuxo a rehabilitación do inmoble e a súa redistribución interior, con mellora da cuberta, tratamento de muros de perpiaño e fachada, sistema de illamento térmico e substitución de carpinterías, entre outros traballos.

A acción máis delicada e rechamante foi a restauración da escaleira, en especial varanda e artesoado, así como da vidreira que a coroa.