A área recreativa e natural do encoro de Cachamuíña gaña accesibilidade

A área recreativa e natural do encoro de Cachamuíña, en Pereiro de Aguiar (Ourense), mellorou notablemente as súas condicións de accesibilidade e comodidade coa construción dunha nova pasarela peonil, que substitúe a unha antiga, e a apertura dun novo tramo de senda.

Esta actuación de Misturas, impulsada pola Deputación de Ourense, permitirá ademais reducir os custos de mantemento da pasarela, situada na área de cola do encoro. A nova estrutura apóiase en catro puntos e conta nos seus estremos con pequenos miradoiros que serven de enlace co sendeiro peonil.

O paso foi tamén habilitado para o uso de bicicletas, sen que estea autorizado ningún tipo de vehículo a motor.