Novas
03/06/2024
Recoñecemento polo resultado da renovación da explanada principal da Escola Naval de Marín
As obras de renovación do pavimento e os servizos da explanada principal da Escola Naval de Marín (zona de circulación, instrución e celebración de actos) recibiron un recoñecemento específico por parte da institución castrense.
Misturas foi obsequiada cunha imaxe da entrada das instalacións obra de Txema Prada, cunha inscrición coa que se agradece expresamente o “gran labor” realizado pola empresa.
Os traballos desenvolvéronse en tres fases e remataron con dous meses de antelación. Incluíron tamén a demolición do peirao Guardiamarina Cheriguini, que foi substituído por unha pasarela peonil e un embarcadoiro flotante.
