26/09/2022
Misturas confía a AENOR a certificación do Sistema de Xestión de I+D+i segundo o referencial UNE 166002
O Sistema de Xestión de I+D+i de Misturas foi certificado recentemente por AENOR segundo a norma UNE 166002, tras culminar a empresa a súa adaptación e adecuación aos requisitos da última versión deste referencial, do ano 2021.
O sistema de I+D+i de Misturas forma parte do Sistema Integrado de Xestión da organización, tamén auditado e certificado por AENOR en Calidade, Medio Ambiente e Prevención de Riscos Laborais (segundo as normas UNE 9001, 14001 e 45001, respectivamente) e pon de manifesto o compromiso da empresa polo fomento da innovación na súa actividade diaria.
Desde a súa fundación, en 2008, o Dpto. de I+D+i de Misturas ten desenvolvido proxectos de I+D+i de grande envergadura, traballando con centros de investigación de primeiro nivel, tanto públicos (Universidades da Coruña, Vigo e Santiago de Compostela) como privados (CETIM), en ámbitos como os novos materiais de construción, mesturas bituminosas innovadoras e aplicación de tecnoloxías de última xeración na inspección e xestión de infraestruturas do transporte.
Na fotografía, D. José E. Rodríguez Coello, director para Galicia de AENOR Internacional, fai entrega ao persoal de Misturas do certificado acreditativo que distingue á empresa no ámbito da I+D+i.